Zyrtare: Futbollisti nga Kosova prezantohet te ekipi rumun

Mesfushori nga Kosova, Vesel Limaj ka nisur një aventurë të re në Rumani, me skuadrën e Hermannstadt.

Limaj është prezantuar ditën e sotme ndërsa cilësohet si një goditje e madhe për ekipin.

Në këtë sezon, skuadra ku do të luajë kosovari pozicionohet në vendin e 11-të me 24 pikë ndërsa synon që të ngjitet në grupin e ekipeve që luftojnë për kampionatin dhe për të shmangur luftën e mbijetesës.

Rikujtojmë që me fanellën e Tiranës, Vesel Limaj fitoi titullin duke rezultuar një nga lojtarët më të rëndësishëm të organikës kryeqytetase, ndërsa në këtë pjesë të parë të sezonit, fantazisti luajti 14 ndeshje duke shënuar vetëm 1 gol.