Rreth Shqip.com

Kuptoje Lajmin… Shqip

Jetojmë në një botë kur ka shumë informacion, por tepër pak qartësi. Sa herë të është dashur që të lundrosh në media të ndryshme për të kuptuar më shumë rreth aktualitetit, por nuk ke mundur të gjesh informacione objektive, por interpretime subjektive? Lexo veç në Shqip dhe Kuptoje lajmin.

Shqip.com është një media e re, e themeluar vetëm në Korrik të 2021, por mbrapa qëndron një ide e vjetër. Duke qenë një projekt i ri dhe një ide e vjetër, ngjan ashtu si vet gjuha shqipe, si një nga gjuhët më të vjetra, por që u shkrua shumë vonë.

Vlerat e Shqip.com qëndrojnë në gazetarinë objektive, por objektivitet brenda qëndrimit redaktorial. Shqip.com qëndron për neutralitet, por jo indiferencë. Qëndron për një alternativë të re në raport me faktet, por jo për fakte alternative.

Media dhe tregu medial janë në ndryshim të vazhdueshëm dhe ndryshimet jo gjithmonë kanë qenë më të mirat. Informacioni i shumtë dhe konsumi i tij në të njëjtën masë kanë bërë që të prodhohen shumë lajme, por fare pak informim. Ndjekësi i mediave sot lexon më shumë, por kupton më pak.

Tregu medial, duke ngarendur pas mundësive që ofron teknologjia e ka shkëputur shpejtësinë nga saktësia, duke e ndarë kështu faktin me realitetin. Tashmë, media nuk lufton për paraqitjen e së vërtetës, por perspektiven e saj. Nuk ka më, ose fare pak ka, të dhëna. Më shumë ka interpretime subjektive mbi të dhënat.

Shqip.com mëton t’i përdorë në maksimumin e tyre mundësitë teknologjike, porse të ruajë konceptet e gazetarisë duke iu vënë në shërbim audiencës së vet dhe jo duke ia shërbyer audiencën ndonjë interesi të caktuar.

Vlerat e Shqip.com dhe AlbMedia

Vlerat tona mbeten tejet të rëndësishme në çdo etapë të zhvillimit si medium. Në një industri që përparon vazhdimisht, synimi ynë është t’iu përshtatemi ndryshimeve në mënyrën më të mirë dhe të punojmë për t’u përmirësuar.

Ne gjithmonë do të mbajmë standard të lartë për veten dhe kolegët tanë dhe do të përpiqemi vazhdimisht të ndërtojmë një ambient që kultivon pasion, përfiton nga bashkëpunimi me të tjerët dhe që i respekton të gjithë zërat dhe identitetet.

No team Members!