Lajme

Largohen të gjitha barrikadat, hapen rrugët për Jarinjë dhe Bërnjak

Largimi i barrikadave në Bërnjak

Janë liruar të gjitha rrugët që të çojnë dy pikat kufitare Jarinjë dhe Bërnjak që lidhin Kosovën dhe Serbinë.

Kështu ka thënë Besim Hoti, zëdhënës i Policisë për rajonin e Mitrovicës së Veriut.

Hoti për Shqip.com tha se janë larguar të gjitha barrikadat.

“Të gjitha barrikadat janë larguar dhe rrugët janë të hapura”, tha ai.

Për shkak të vendimit të Qeverisë së Kosovës për targat dhe dokumentet serbe, i cili do hynte në fuqi më 1 gusht, serbët lokalë në Kosovë, më 31 korrik vendosën barrikada në rrugët që çojnë në Jarinjë dhe Bërnjak.

Ata kishin vendosur kamionë dhe makineri tjera të rënda.

Në veri të vendit kishte ngritje të tensioneve ku pati edhe të shtëna me armë zjarri.

Policia e Kosovës përmes një komunikate ka njoftuar se nuk ka të plagosur.

Largimi i barrikadave në Jarinjë

Ndërsa kishin thënë se ka shqiptarë që janë lënduar dhe maltretuar nga disa grupe në veri të vendit.

Lexo edhe:
Policia: Vazhdon zbatimi i vendimit për targat dhe dokumentet, Jarinja dhe Bërnjaku vazhdojnë të jenë të bllokuara

Në anën tjetër, Qeveria e Kosovës, në mbrëmjen e 31 korrikut pati zhvilluar një takim me përfaqësues të SHBA-së dhe BE-së

Lexo edhe:
Qeveria shtyn vendimin e reciprocitetit me Serbinë për targat dhe dokumentet

Me kërkesë të tyre, Qeveria vendosi të shtyjë zbatimin e vendimeve për lëshimin e dokumenteve për hyrje-dalje për shtetasit e Serbisë që hyjnë në Kosovë dhe atë për ndryshimin e targave serbe, kur të hiqen bllokadat.

Largimi i barrikadave në Bërnjak

Ndërsa, më 1 gusht, Qeveria nisi zbatimin e vendimit.

Ministri i Punëve të Brendshme, Xhelal Sveçla kishte deklaruar se përveç pikave Jarinjë dhe Bërnjak, vendimi po zbatohet në katër pikat e tjera kufitare me Serbinë, të cilat janë të hapura.

Policia e Kosovës në Bërnjak

Sveçla ka bërë të ditur se 1501 dokumente janë lëshuar për hyrje-dalje në pikat kufitare.

Lexo edhe:
Sveçla: 1501 dokumente për hyrje-dalje u lëshuan në pikat kufitare

Pas thirrjeve të Qeverisë së Kosovës për largim të barrikadave, një grup i serbëve lokalë liruan rrugët që të çon në Jarinjë dhe Bërnjak./Shqip.com

Lexo edhe:
Nis largimi i barrikadave në Rudarë
Lexo edhe:
Lirohet plotësisht rruga për në pikën kufitare në Jarinjë
Lexo edhe:
Lirohet plotësisht rruga për në pikën kufitare në Jarinjë