Lajme

Policia: Vazhdon zbatimi i vendimit për targat dhe dokumentet, Jarinja dhe Bërnjaku vazhdojnë të jenë të bllokuara

Barrikada rrugës për në Bërnjak

Policia e Kosovës bën të ditur se pikat kufitare me Serbinë, Jarinjë dhe Bërnjak po vazhdojnë të jenë të bllokuara nga serbët lokalë të cilët që nga dje kanë vendosur barrikada në këto dy pikëkalime kufitare.

Në anën tjetër, ka filluar të zbatohet vendimi i Qeverrisë së Kosovës për targat dhe dokumentet.

“Vendimi për pajisje me dokumentin për hyrje-dalje të qytetarëve që posedojnë dokument personal identifikimi të lëshuar nga autoritetet e Serbisë, të cilët paraqiten për kalim të kufirit shtetëror të Republikës së Kosovës, ka filluar të zbatohet në nivel vendi.

Dy pikat kufitare Jarinje dhe Bernjak vazhdojnë të mbesin të mbyllura për qarkullim, për shkak të vazhdimit të bllokimit të rrugëve në drejtim të këtyre dy pikë kalimeve kufitare, të cilat janë bërë me mjete të rënda nga persona/grupe të organizuara kriminale. thuhet në njoftimin e PK-së.

Sipas njoftimit, janë raportuar edhe katër raste të ndalimit dhe maltretimit të qytetarëve shqiptarë në atë pjesë.

Lëshimi i dokumenteve për hyrje/dalje në Merdare

Ndërsa shtojnë se ka pasur të shtëna me armë zjarri mbrëmjen e 31 korrikut kurse nuk raportohet për të lënduar.

Lexo edhe:
Bërnjaku ende i bllokuar, shihen flamuj të Serbisë dhe forca të shtuara të Policisë së Kosovës

Barrikadat janë vënë më 31 korrik nga serbët lokalë të Kosovës, si shenjë pakënaqësie ndaj vendimit të 29 qershorit të Qeverisë së Kosovës për targat e makinave që lëshojnë autoritetet e Serbisë me akronimet e qyteteve të Kosovës dhe dokumentet për hyrje/dalje për qytetarët serbë kur të hyjnë në njërën nga pikat kufitare në Kosovë.

Barrikada rrugës për në Bërnjak

Qeveria e Kosovës, me kërkesë të SHBA-së dhe BE-së ka shtyrë zbatimin e vendimeve – që ishin planifikuar të zbatoheshin nga 1 gushti – duke thënë se dënon ashpër bllokimin e rrugës në veri të Kosovës.

Qeveria pati vendosur që më 1 gusht do të niste lëshimi i të ashtuquajturave dokumente për hyrje-dalje për të gjithë shtetasit e Serbisë që hyjnë në Kosovë.

Policia e Kosovës në Bërnjak

Ky dokument do të lëshohej në të gjitha pikëkalimet tokësore dhe ato ajrore, si dhe do të ishte i vlefshëm për 90 ditë, ashtu sikurse dokumenti që autoritetet serbe lëshojnë për shtetasit e Kosovës kur të hyjnë në Serbi.

Po ashtu të hënën pritej të hynte në fuqi edhe vendimi për riregjistrimin e makinave me targa me akronime të qyteteve të Kosovës që lëshohen nga Serbia. Vlerësohet se 10.000 makina me targa si KM (Mitrovica e Kosovës), PZ (Prizren) UR (Ferizaj) e të ngjashme, qarkullojnë në komunat në veri të Kosovës, të banuara me shumicë serbe.

Sipas vendimit të marrë më 29 qershor nga Qeveria e Kosovës, afati për riregjistrimin e makinave do të zgjaste deri më 30 shtator./Shqip.com