Melanie Trump bën veprimin e pazakontë si një ish zonjë e parë

Ish-zonja e parë Melania Trump po shet kapelën e bardhë që kishte veshur për vizitën e parë shtetërore të administratës Trump në 2018.

Kjo ka sjellë reagimin e shumë njerëzve, të cilët e akuzojnë ish zonjën e parë se po vendos përfitimin personal mbi traditën dhe respektin e rolit të saj të mëparshëm.

Kapelja do të dalë në shitje me një pikturë si dhe një shenjë jo të këmbyeshme (NFT) – një portret dixhital i veprës së artit. Të tre artikujt do të shiten së bashku në një ankand që hapet më 11 janar me një ofertë fillestare prej 250,000 dollarësh.

“Koleksioni i Kreut të Shtetit përkujton vizitën e parë zyrtare shtetërore të administratës Trump dhe përmban tre artikuj të rëndësishëm të nënshkruar të veçantë”, thuhet në njoftimin për shtyp të postuar nga zonja Trump.

“Pas ceremonisë tradicionale të mbërritjes, zonja Trump dhe zonja Macron vizituan Galerinë Kombëtare të Arteve dhe morën pjesë në një konferencë të përbashkët shtypi në Shtëpinë e Bardhë”, shton njoftimi.

“Zonja Trump veshi kapelën ikonike me strehë të gjerë, të veçantë dhe një kostum asimetrik Michael Kors në ngjarjet e ditës. Më vonë atë mbrëmje, zonja Trump dhe Presidenti Trump organizuan darkën e tyre të parë shtetërore në Shtëpinë e Bardhë”, thuhet në deklaratë.

Kapelja, e krijuar nga stilisti personal i Trump, Hervé Pierre, u bë për t’u përshtatur me kostumin e bardhë të koleksionit Michael Kors që ajo kishte veshur për këtë rast./SHQIP.com