Kupa e Botës, sot radha e Xhakës e Shaqirit

Edhe sot zhvillohen katër ndeshje në kuadër të Kupës së Botës, Katari 2022.

Dy ndeshje të Grupit G dhe po aq të Grupit H i japin fund rrethit të parë të fazës së grupeve.

Dita nis me ndeshjen Zvicër – Kamerun, e cila fillon në orën 11:00.

Shqiptarët Granit Xhaka e Xherdan Shaqiri do të jenë në përbërjen e parë të “Helvetikëve”, të cilët në grup i kanë edhe Brazilin e Serbinë, kombëtare këto të cilat përballen sot nga ora 20:00.

Nga ora 14:00 nis ndeshja Uruguai – Koreja Jugore, ndërsa në 17:00, Portugalia – Gana.