Xavi kritikon Barcelonën, pas fitores në Cadiz
Shqip
Skuadra e udhëhequr nga Xavi Hernandez triumfoi 0-4, në udhëtim te Cadizi.
Të gjitha golat – në këtë takim u shënuan në pjesën e dytë, ani pse Barça dominoi që nga fillimi.
Frenkie de Jong, Robert Lewandowski, Ansu Fati dhe Osumane Dembele e tundën rrjetën – për fitoren e pestë rradhazi.
Full Time #CádizBarça pic.twitter.com/0SqAMd6oTp
— FC Barcelona (@FCBarcelona) September 10, 2022
Por, me këtë paraqitje nuk ka qenë i kënaqur Xavi, i cili nuk është bindur nga performanca në pjesën e parë.
“Në pjesën e parë, ne nuk gjeneruam aq sa prisnim. Në këto lojëra, çelësi është hapja e kanaçes. Duhet të kuptojmë pasimin e fundit, por në përgjithësi jemi të lumtur, pavarësisht se nuk kemi bërë një ndeshje të shkëlqyer. Është e rëndësishme të shënojmë herët, por mbase i kemi rraskapitur. Nuk është e lehtë të fitosh një ndeshje në këtë stadium”, ka thënë spanjolli.
Barcelona tash duhet të përgatitet për testin më të madh të stinorit deri më tani.
Katalanasit përballë në ndeshjen e radhës do të kenë Bayernin, në kuadër të Champions League./Shqip.com
