Art Jetese

Skrab natyral që mbron lëkurën nga problemet e dimrit

Shqip

Publikuar: (30.12.2021 19:35:01)

Mjafton vërtet shumë pak për të përgatitur në shtëpi një skrab natyral të bërë vetë për lëkurën. Për të krijuar një rutinë trajtimi bukurie nuk është e nevojshme të drejtoheni gjithmonë në qendra estetike mjafton të hapni dollapët në shtëpi dhe me ato që ju ndodhen të krijoni produkte të ndryshme, si për shembull me mbetjet e kafesë.

Më poshtë do të lexoni për një kategori produktesh të bëra në shtëpi , të gjitha me bazë përbërësish natyralë.

Një skrab trupi dhe fytyre, i aplikuar një herë në javë, ndihmon lëkurën të qëndrojë e pastër dhe e freskët pasi largon qelizat e vdekura duke rigjeneruar shtresën sipërfaqësore të lëkurës.

Skrab i përgatitur në shtëpi, për çfarë duhet

Merrni një lugë kafeje sheqer, 3 lugë gjelle vaj ulliri (ose vaj bajamesh) dhe dy lugë gjelle mjaltë. Përzieni të gjithë përbërësit dhe pastaj aplikojeni në lëkurë me lëvizje rrethore. Kokrrat e sheqerit krijojnë një masazh të ëmbël dhe penetrues në lëkurë.

Kush do të luftojë prezencën e pikave të zeza, mund të krijojë një skrab me lëng limoni dhe të bardhë vezësh. Përzieni dy lugë kafeje sheqer kafe dhe një të bardhë veze. Aplikoni këtë skrab në zonat ku keni probleme me pikat e zeza dhe masazhojini lehtësisht, shkruan Living.

Evitojeni përdorimin e tij në zonat ku keni puçrra ose pjesë të inflamuar. Për ta shpëlarë, përdorni ujë të ngrohtë dhe lëngun e gjysmë limoni.

Me dy lugë gjelle sodë buke dhe katër lugë gjelle qumësht pastrues, realizoni një skrab vërtet efikas, sidomos për këmbët. Masazhojini të dy përbërësit në një tas dhe më pas aplikojeni kremin e përftuar në trup, me lëvizje rrethore, sidomos tek gjunjët, bërrylat dhe thembrat. Në fund shpëlajeni me ujë të vakët, thajeni dhe hidratojeni mirë lëkurën.

Me sodë buke dhe kos përgatisni një skrab antibakterial. Shtoni një lugë gjelle sodë në një tas, bashkojeni me kosin dhe pak lëng limoni për një efekt antioksidant.