Si të ulni tensionin e lartë të gjakut pa përdorur ilaçe

Një ndër kërcënimet më serioze të shëndetit është presioni i lartë i gjakut.

Kjo gjendje mund t’i sjellë trupit një sërë sëmundjesh dhe efektesh anësore shumë shqetësuese.

Zhvillohet kur muret e arterieve të mëdha humbasin elasticitetin e tyre dhe ngurtësohen apo kur enët e gjakut ngushtohen.

Duke qenë se ky problem shfaqet veçanërisht nga stili i jetesës, ndryshimet e para sigurisht që do të fillojnë nga aty.

Sipas këshillave të ekspertëve vetëm me gjashtë hapa të thjeshtë mund të arrini ta shmangni dhe përmirësoni këtë problem.

Kontrolloni peshën

Mbajtja e peshës së duhur është gjithnjë thelbësore për parandalimin e hipertensionit.

Ekspertët thonë se 50% – 90% e presionit të lartë të gjakut mund të evitohet me një stil të shëndetshëm jetese.

Mbipesha rrit ndjeshëm presionin e lartë të gjakut ndaj nëse jeni obezë duhet të dobësoheni të paktën 10% të masës tuaj trupore.

Sa më shumë të dobësoheni aq më shumë do të bjerë presioni i lartë i gjakut duke evituar një sërë sëmundjesh të tjera.

Konsumoni më pak kripë

Reduktimi i sasisë së kripës që konsumoni çdo ditë është një tjetër element kyç në trajtimin e sëmundjes.

Kjo pasi konsumimi i tepërt i kripës rrit presionin e gjakut.

Ekspertët rekomandojnë produktet që kanë më pak se 0.25gr kripë për 100 gr.

Evitoni alkoolin

Përveçse dëmton mëlçinë dhe zemrën, konsumimi i sasive të mëdha të alkolit mund të çojë edhe në shfaqjen e hipertensionit.

Sipas ekspertëve personat që konsumojnë një gotë alkol në ditë, kanë 53% më shumë mundësi të preken nga hipertensioni.

Konsumoni më shumë fruta dhe perime

Nëse konsumoni 5 ose më shumë fruta dhe perime në ditë do të jeni larg zonës së rrezikut.

Frutat dhe perimet janë ndër ndihmësit më të mirë për të ulur presionin e lartë të gjakut.

Po ashtu aktiviteti fizik është zgjidhja për shumë sëmundje, ashtu edhe për presionin e lartë të gjakut.