Lajme

Shqipëria përsëri cak i sulmeve kibernetike

Shqipëria përsëri gjatë ditës së djeshme ka qenë cak i sulmeve kibernetike.

Këtë e ka bërë të ditur Kryeministri i Shqipërisë Edi Rama, në një postimin në Twitter, ku përsëri ka thënë se mbrapa këtij sulmi qëndron agresori i njëjti si herën e kaluar.

“Një tjetër sulm kibernetikë nga të njëjtët agresorë, tanimë të ekspozuar dhe dënuar prej vendeve aleate e mike të Shqipërisë, është shënuar mbrëmë mbi sistemin TIMS! Ndërkohë vazhdojmë punojmë përditë pa orar me aleatët për t’i bërë të papenetrueshme sistemet tona digjitale.”, ka shkruar Rama.

Lexo edhe:
NATO dënon sulmin kibernetik të Iranit ndaj Shqipërisë

Kryeministri i Shqipërisë, Edi Rama përmes një video live ditë më parë njoftoi se Shqipëria ka ndërprerë marrëdhëniet diplomatike me Iranin si shkak i sulmeve kibernetike që Irani ka kryer mbi Qeverinë Shqiptare gjatë korrikut.  

Kryeministri Edi Rama, gjatë videos live duke treguar se Shqipëria ka ndërprerë marrëdhëniet diplomatik me Iranin

Shqipëria me 15 korrik ka përjetuar sulmin më të madh kibernetikë në historinë e saj, i cili paralizoi të gjitha faqet qeveritare, përfshirë platformën e shërbimeve online e-Albania, përmes së cilës qytetarët pajisen me shumicën e dokumenteve.

Lexo edhe:
Shqipëria ndërpret marrëdhëniet diplomatike me Iranin

Në njoftimin e tij, kryeministri Rama kishte deklaruar se kishte mbështetjen e NATO-s për vendimin e tij.

Ndërkohë që ambasada iraniane u boshatis me 8 shtator menjeherë pas ultimatumit të dhënë një ditë më parë nga kryeministri Edi Rama që i la 24 orë kohë që stafi diplomatik i ambasadës së Republikës Islamike të Iranit të largohet.

Lexo edhe:
SHBA-ja dënon sulmin e Iranit ndaj Shqipërisë

Në mbështetje të Shqipërisë përveç NATO-s kanë dal edhe Britania e Madhe dhe Shtetet e Bashkuara të Amerikës./Shqip.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.61
  • Benzine: 1.34
  • Gas: 0.76
Sot : 30/09/2022