Shkenca zbulon se përmes gjakut mund të zbulojmë sa po plakemi

Shkencëtarët besojnë se mund të bëjnë një test gjaku për të kontrolluar se sa shpejt plaken organet e brendshme të një personi, madje të parashikojnë se cilat prej tyre së shpejti mund të dështojnë.

BBC shkruan se ekipi i Universitetit Stanford thotë se mund të monitorohen 11 pjesë kryesore të trupit, duke përfshirë zemrën, trurin dhe mushkëritë.

Shkencëtarët i kryen provat në mijëra të rritur, kryesisht të moshës së mesme ose më të vjetër.

Një në pesë të rritur mjaft të shëndetshëm të moshës mbi 50 vjeç mund të ketë të paktën një organ që plaket shpejt, sugjerojnë rezultatet.

Dhe një deri në dy në çdo 100 mund të kenë disa organe që testohen më të vjetra se vitet e tyre të jetës.

Ndërsa ideja e kontrollit mund të duket e frikshme, por mund të jetë një mundësi për të ndërhyrë dhe për të ndryshuar kursin, thonë studiuesit.

Njohja se cilat organe janë në rënie të shpejtë mund të ndihmojë në zbulimin e problemeve shëndetësore që mund të shfaqen, sipas studiuesve.