Shenjat paralajmëruese të anemisë në trup

Anemia si pasojë e mungesës së hekurit është një nga llojet më të përhapura të sëmundjes.

Megjithatë shumë njerëz janë të pavetëdijshëm për simptomat e anemisë.

Kur njeriu vuan nga mungesa e hekurit, organizmi nuk prodhon dot rruaza të mjaftueshme të kuqe të gjakut.

Gjakderdhja është një nga shkaqet më të përhapura të mungesës së hekurit.

Shenjat paralajmëruese të anemisë

Simptomat e sëmundjes janë të ndryshme dhe në varësi të llojit të anemisë.

Lodhje dhe mungesë energjie

Ekspertët thonë se lodhja e plogështia janë një nga simptomat më të forta të anemisë.

Lodhja ndodh si pasojë e mungesës së rruazave të kuqe të gjakut që transportojnë oksigjen në mbarë trupin.

Njerëzit që vuajnë nga anemia ankohen shpesh që janë vazhdimisht të lodhur, të drobitur e pa energji.

Ankthi

Ankthi që shoqërohet me rritje të rrahjeve të zemrës është gjithashtu një simptomë e anemisë.

Zemra pompon më shumë gjak në përpjekje për të marrë më shumë oksigjen.

Një gjë e tillë shkakton rrahje të shpejta të zemrës.

Sëmundja dallohet nga sytë

Një tjetër shenjë paralajmëruese e anemisë vërehet tek sytë.

Pjesa e poshtme e syve përmban shumë vena të holla ku kalon gjaku.

Dhimbjet e kokës

Dhimbjet e kokës që shoqërohen me disa prej simptomave të lartpërmendura mund të tregojnë praninë e anemisë dhe të mungesës së oksigjenit.

Mpirjet

Nëse trupit i mungon gjaku i shëndetshëm, atëherë trupi vë në përdorim gjakun në gjymtyrë.

Kësisoj, njerëzit anemikë janë më të priur të ndiejnë mpirje të këmbëve, krahëve dhe duarve.

Vështirësi në frymëmarrje

Njerëzit anemikë preferojnë të mos lëvizin shumë sepse ndihen të lodhur.

Mungesa e oksigjenit nxit nevojën për frymëmarrje më të thellë.