Lajme

SBASHKU: Qeveria nuk do zgjidhje të kërkesave, prandaj greva vazhdon

SBASHK

Sindikata e Bashkuara e Arsimit ka bërë të ditur se Greva në procesin mësimorë do të vazhdojë.

Kjo është bërë e ditur përmes një njoftimi për media.

“Me muaj të tërë Qeveria i ka ikur dialogut me sindikatat dhe nuk është angazhuar fare për zgjidhjen e kërkesave legjitime të punëtorëve në sektorin publik. Kjo qasje e gabuar ka sjell edhe deri të greva e përgjithshme që po vazhdon që nga 25 gushti dhe me këtë qasje të Qeverisë nuk dihet edhe sa do të zgjas”, thuhet fillimisht në njoftim.

Foto nga takimi midis Nagavcit dhe SBASHK-ut

Nga SBASHK-u thonë se Nagavci e Murati disa herë gjatë takimit kanë kërkuar që të ndërpritet menjëherë greva në arsim.

“Debatet e kulturuara e gjithë këto lutje në fillim të takimit sikur i trimëruan Muratin e Nagavcin, që kushtëzonin pa të drejt se pa as edhe një takim dhe pa as edhe një marrëveshje të mbyllej greva” thonë nga SBASHK-u.

Lexo edhe:
Nagavci takon përfaqësuesit e SBASHK-ut, kërkohet të fillohet mësimi

Tani e tutje përfaqësuesit legjitim të BSPK-së, pra Këshilli Grevist do të shkoj në takime, por vetëm atëherë kur qeveria sillet si palë e barabartë dhe zhvillon debat përmbajtjesor dhe merret me kërkesat e grevistëve. Takime në stilin ju sindikatat heshtni dhe pranoni ato që po themi ne nuk do të ketë më, thuhet më tutje në reagimin e SBASHK-ut.

Lexo edhe:
Jasharaj: Do të ndodhë edhe një takim për të dal nga Greva

Gjatë ditës së djeshme, Ministrja e Arsimit, Shkencës, Teknologjisë dhe Inovacionit, Arbërie Nagavci ka pritur në një takim përfaqësuesit e SBASHK-ut./Shqip.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.60
  • Benzine: 1.33
  • Gas: 0.76
Sot : 28/09/2022