Rezultatet e regjistrimit: Serbia rreth 6.7 milionë banorë, 6.9 për qind më pak se në vitin 2011

Sipas rezultateve të para të Regjistrimit të Popullsisë, Familjeve dhe Banesave në vitin 2022, në Serbi ka 6.690.887 banorë, njoftoi sot drejtori i Institutit të Statistikave Republikane, Miladin Kovaçeviq.

Krahasuar me regjistrimin e vitit 2011, numri i përgjithshëm i banorëve është zvogëluar për 495.975, pra për 6.9 për qind, që sipas Kovaçeviqit është më pak se sa pritej.

Rënie e numrit të banorëve është shënuar në të gjitha rajonet për rreth 10 për qind, përveç në rajonin e Beogradit, ku numri i banorëve është rritur për rreth 1.6 për qind.