PSG e “tmerron” Auxerren

Paris Saint-Germain ka fituar me rezultat të thellë 5-0 ndaj Auxerre në ndeshjen e vlefshme për javën e 15-të në Ligue 1.

Kampioni aktual i Ligue 1 ka vazhduar sezonin pa humbje, duke marrë edhe fitoren e 13-të nga 15 ndeshje dhe duke betonuar pozitën e parë.

Pjesa e parë e ndeshjes u karakterizua e lojë thuajse të barabartë, por me vendasit më konkret duke shënuar një gol.

Goli i vete në këtë pjesë erdhi në minutën e 11-të me anë të Kylian Mbappe, i cili shënoi për 1-0.

Në pjesën e dytë, vendasit ishin të pamëshirshëm duke shënuar tri gola dhe duke marrë fitoren e radhës para pushimit të Kupës së Botës.

Në minutën e 51-të ishte Carlos Soler, i cili shënoi për epërsinë 2-0, ndërsa Achraf Hakimi (57’) u përkujdes për të dërguar shifrat në 3-0.

Goli i 4-0 u shënua nga Renato Sanches, ndërsa goli i fundit i ndeshjes u shënua nga  Hugo Ekitike, i cili u përkujdes për të vulosur fitoren me rezultat përfundimtar 5-0.

Pas kësaj fitore, PSG e sheh veten në pozitën e parë me 41 pikë, ndërsa Auxerre renditet e 15-ta me 13 pikë.

Në ndeshjen e ardhshme, parisienët luajnë në udhëtim të Strasbourg, teksa Auxerre e pret Monacon.