Pas Lukakut, edhe Kristjan Asllani arrin në ambientet e Interit
Shqip
Mesfushori i talentuar shqiptar pritet të zyrtarizohet së shpejti nga nënkampioni i Italisë.
Me ardhjen e Romelu Lukakut në qytetin e Milanos, testeve mjekësore do t’i nënshtrohet edhe Kristjan Asllani.
Lajmin e kanë bërë të ditur mediume të ndryshme nga Italia.
VIDEO – Asllani già arrivato all’Humanitas: inizia la giornata nerazzurra del centrocampista https://t.co/KdcxidfRKb
— FcInterNews.it (@FcInterNewsit) June 29, 2022
Asllani do t’i bashkohet ‘nerazurrëve’ fillimisht në formë huazimi një vjeçar nga Empoli për katër milionë euro.
Më pas, me të përfunduar sezoni në ardhje, Interi obligohet të marrë shërbimet e tij për 10 milionë të tjera.
Kontrata që pritet ta nënshkruajë mesfushori sot, do të jetë valide deri në vitin 2027, pra pesë sezone në “San Siro”.
#Inter, in corso le visite mediche di #Asllani 🔵⚫️ #Calciomercato https://t.co/41kZ6wISu4
— Gianluca Di Marzio (@DiMarzio) June 29, 2022
20-vjeçari nga Elbasani zhvilloi gjithsej 26 paraqitje për klubin italian, me ç’rast shënoi një gol dhe asistoi një tjetër.
Ai është tejet versatil në mesfushë dhe ndihet rehat si në repartin defanziv, ashtu edhe në atë ofanziv. /Shqip.com
