Ndryshimi i klimës rrit alergjitë, cilat masa duhet t’i merrni?

Një nga shenjat treguese të ardhjes së pranverës është fillimi i rinitit alergjik sezonal.

Alergjitë karakterizohen me rrjedhje hundësh, sy të përlotur dhe të skuqur, kruarje fyti, veshi dhe qiellza.

Por këtë vit, shumë amerikanë po zbulojnë se simptomat e tyre alergjike nuk janë thjesht të pakëndshme, por krejtësisht të padurueshme – dhe në disa raste, më keq se sa kanë përjetuar ndonjëherë më parë.

Në Tuitter, numër i madh i pesonave janë ankuar për ashpërsinë e sezonit të alergjive të këtij viti, me përdoruesit që kërkojnë furishëm për lehtësim nga sulmi i simptomave.

Por çfarë mund t’i shtyjë alergjitë të ashpërsohen?

Një pjesë e fajit mund t’i vihet motit.

Në të vërtetë, ashpërsia e simptomave të alergjisë zbret në numërimin e polenit dhe për sa kohë numërimi i polenit është i lartë.

Poleni është në thelb sperma e luleve. Në pranverë dhe vjeshtë, lirohet nga bimët e farës dhe fluturon përmes erës për të fekonduar në bimë të tjera. Sipas Fondacionit Amerikan të Alergjisë dhe Astmës (AAFA), poleni – i cili zakonisht vjen nga pemët, barërat e këqija dhe bimët – është shkaktari më i zakonshëm i alergjive sezonale.
Numërimi i polenit vlerëson se sa polen ka në ajër duke përdorur një pajisje të quajtur kampionues ajri që kap polenin.

Kur numri i polenit është i lartë, njerëzit zakonisht kanë reaksione më të rënda, të cilat ndonjëherë mund të jenë astmatike.

Një alergji ndaj polenit ndodh kur sistemi imunitar e identifikon polenin si të rrezikshëm, prandaj kufizimi i kohës jashtë gjatë një dite kur ka nivel të lartë të polenit, mund të ndihmojë në lehtësimin e simptomave.

Por, përkeqësimi i alergjive të polenit nuk po ndodh vetëm në vitin 2023. Në tërësi, falë ndryshimit të klimës, njerëzit me alergji sezonale do të vuajnë më shumë në të ardhmen dhe kanë qenë më keq gjatë dekadës së fundit. Sipas një studimi të publikuar në Proceedings of the National Academy of Sciences, kohëzgjatja e sezonit të polenit u rrit me 20 ditë dhe përqendrimi i polenit u rrit me 21 për qind midis vitit 1990 dhe 2018.

Sipas një studimi të botuar në revistën Scientific Reports në qershor 2021, rritja e temperaturës në Kaliforninë veriore po përkeqëson alergjitë e lidhura me polenin, ndërsa ndryshimet e reshjeve shoqërohen me më shumë spore myku në ajër.