Biden dhe aleatët kryesorë diskutuan për ndihmën për Ukrainën dhe ndëshkimet ndaj Rusisë në thirrjen e sotme
Shqip
Shtëpia e Bardhë tha se presidenti i SHBA-së, Joe Biden dhe liderët botërorë “njohën guximin e popullit ukrainas përballë agresionit rus dhe diskutuan mbështetjen e tyre të vazhdueshme për Ukrainën, duke përfshirë sigurinë, ndihmën ekonomike dhe humanitare”, gjatë një telefonate të sigurt të hënën, raporton CNN.
Duke iu bashkuar Bidenit në thirrje, sipas Shtëpisë së Bardhë, ishin:
- Kryeministri kanadez Justin Trudeau
- Presidentja e Komisionit Evropian Ursula von der Leyen
- Presidenti i Këshillit Evropian Charles Michel
- Presidenti francez Emmanuel Macron
- Kancelari gjerman Olaf Scholz
- Kryeministri italian Mario Draghi
- Kryeministri japonez Fumio Kishida
- Sekretari i Përgjithshëm i NATO-s, Jens Stoltenberg
- Presidenti polak Andrzej Duda
- Presidenti rumun Klaus Iohannis
- Kryeministri i Britanisë së Madhe Boris Johnson
Shtëpia e Bardhë tha se grupi “diskutoi gjithashtu përpjekjet e tyre të koordinuara për të imponuar kosto dhe pasoja të rënda për të mbajtur Rusinë përgjegjëse ndërsa punonte për të ruajtur stabilitetin ekonomik global, përfshirë në lidhje me çmimet e energjisë”.
