Kylie Jenner dëshmon në gjyq, akuzon Blac Chyna se u përpoq të vriste vëllain e saj

Kylie Jenner ka dëshmuar në gjyq të hënën, ku pretendoi se Blac Chyna u përpoq të vriste vëllain e saj, Rob Kardashian.

Gjatë dëshmisë, ylli i Keeping Up With the Kardashians kujtoi një moment kur ajo ishte në lidhje me Tyga, i cili shprehu probleme me ish-partneren Chyna.

Sipas Kylie, ajo dhe Tyga e kishin paralajmëruar vëllain e saj për Chyna-n por kishte vazhduar lidhjen me të. “Isha pak e shqetësuar për gjërat që kisha dëgjuar për Chyna nga Tyga,” dëshmoi Jenner të hënën.

Ajo pretendoi gjithashtu se Chyna kishte dëmtuar dhe Tyga-n.

“Unë supozova se ishte një kërcënim për vrasje … Mbaj mend që ai ishte shumë i mërzitur dhe duke shpjeguar atë që ndodhi”, tha Jenner.

Ajo tha se vëllai i saj i tha se po luante videolojëra kur Chyna shkoi pas tij dhe i vendosi një kabull iPhone rreth qafës.

Jenner – e cila më parë ishte në lidhje me ish e Chynas, Tygan gjithashtu dëshmoi se dikur kujton se u zgjua me mesazhe kërcënuese nga Chyna, shkruan PageSix.

“Ajo më dërgoi një grumbull emoji djalli dhe më tha, ‘po numëronte ditët’ për të më rrahur”, dëshmoi Jenner.

Kur u pyet nga avokatja e Chynas, Lynne Ciani, pse ajo nuk i raportoi kërcënimet në polici, Jenner u përgjigj: “Unë e mora atë si një kërcënim bosh”.

Ajo shtoi se Tyga i tha se Chyna kishte probleme me drogën dhe alkoolin dhe gjithashtu i tregoi asaj për një incident kur Chyna dyshohet se përdori një thikë dhe e preu atë në krah./SHQIP.com