Krasniqi shprehet i pikëlluar pas shpërthimit në Stamboll

Kryetari i Partisë Demokratike të Kosovës, Memli Krasniqi është shprehur i pikëlluar nga shpërthimi që ndodhi sot në qendër të Stambollit në Turqi.

Përmes një postimi në Facebook, Krasniqi tha se në këto momente ndanë dhimbjen me institucionet e Turqisë dhe popullin e saj.

“Jam i pikëlluar dhe i tronditur nga shpërthimi i sotëm në Stamboll që la disa të vdekur dhe dhjetëra të lënduar. Në këto momente të vështira, ndajmë dhembjen me institucionet e Republikës së Turqisë dhe popullin mik turk”, shkroi Krasniqi.

Krasniqi tha se ju shpreh ngushëllime familjeve të viktimave ndërsa të lënduarve ju uron shërim të shpejtë.

“Familjeve të viktimave u shpreh ngushëllimet e mia të thella dhe për të lënduarit uroj shërim sa më të shpejtë. Shpresoj që përgjegjësit e këtij akti terrorist të gjenden e të dalin para drejtësisë sa më pare”.

Gjashtë të vdekur dhe 53 të plagosur nga shpërthimi në Stamboll – SHQIP.com

Së paku gjashtë persona kanë vdekur dhe 53 janë plagosur pas një shpërthimi që ndodhi në qendër të Stambollit në Turqi.

Siç raporton BBC, Shpërthimi ndodhi në një rrugë tregtare në zonën e sheshit Taksim, tha guvernatori i qytetit turk Ali Yerlikaya.

Është e paqartë se çfarë e shkaktoi shpërthimin, i cili duket se është kapur në videot në rrjetet sociale. Presidenti Rexhep Tajip Erdogan tha se autorët e krimit do të ndëshkohen.