Krasniqi për peticionin për Trsutin: Nëse hasim në pengesë e sjellim në Kuvend edhe në vjeshtë
Shqip
Kryetari i Partisë Demokratike të Kosovës (PDK), Memli Krasniqi ka thënë se Projektligji për tërheqjen e mjeteve nga Fondi Pensional nuk është miratuar shkaku i kundërshtimeve të kryeministrit Albin Kurti.
E nëse ky Projektligj nuk kalon këtë herë, Krasniqi ka paralajmëruar sërish inicim në sesionin vjeshtor.
“Tashmë qytetarët e Kosovës kanë nënshkruar peticionin e organizuar nga grupi qytetarëve në mbi 10 mijë nënshkrime që është një minimum obligativ për ta dërguar në kuvend. I mbetet kësaj procedure. Nëse kjo procedurë has në ndonjë pengesë ne do ta rishqyrtojmë përsëri këtë çështje në sezonin vjeshtor të Kuvendit”, tha Krasniqi.
Theksojmë se ditë më parë, organizatori i protestave për Trustin, Adnan Jashari ka thënë për Shqip.com se mbyllur peticioni për Projektligjin për Trustin.
Ditë më parë është bërë e ditur se mbi 15 mijë qytetarë e kanë nënshkruar brenda pesë ditëve peticionin, përmes së cilit kërkohet tërheqja e kursimeve nga Trusti./Shqip.com
