Rozë

Kjo është vlera marramendëse e parave dhe stolive që iu vodhën Agnesa Vuthajt

Kohët e fundit në vendin tonë janë duke u raportuar raste të shpeshta të plaçkitjes.

E një rast i tillë i ka ndodhur edhe ish-missit shqiptar, Agnesa Vuthajt.

Sipas raportit të brendshëm të Policisë së Kosovës, të cilin e ka siguruar Demokracia.com, ngjarja ka ndodhur rreth orës 12:45 në rrugën “Montana” në Lagjen Marigona në Çagllavicë, ku hajnat vodhën mbi 100 mijë euro para të gatshme dhe rreth 300 mijë euro stoli të tjera.

Sipas këtij raporti, Policia është njoftuar nga sigurimi i lagjes, pasi që Vuthaj nuk gjendej në shtëpi.

“Lidhur me këtë informatë është angazhuar njësia policore, ku e njëjta ka kontaktuar me sigurimin e lagjes dhe na njofton se persona të panjohur kanë hyrë me forcë në shtëpinë e Agnesa Vuthajt, ku kjo e fundit nuk është prezente dhe kanë vjedhur mbi 100 000 (njëqind mijë) Euro para të gatshme dhe diku rreth 300 000 mijë euro gjëra të çmueshme duke përfshirë, ari, orë dhe bizhuteri të ndryshme”, thuhet në raport.

Lidhur me rastin është lajmëruar edhe Prokuroria. Në anën tjetër, policia e Kosovës ende nuk e ka thënë asnjë fjalë për këtë vjedhje./Shqip.com