Juventusi ende po “lufton” për titull
Shqip
Gara për titull ende nuk ka përfunduar për Juventusin.
“Zonja e vjetër” ka shënuar fitore në udhëtim te Cagliari, me rezultat 1-2.
Ani pse nuk ishin favoritë në letër, vendasit shënuan të parët – pas vetëm dhjetë minutave lojë – me anë të João Pedro.
Por, ky gëzim zgjati vetëm deri në fund të pjesës së parë, pasi Matthijs de Ligt arriti që ta barazonte rezultatin.
Skuadrat shkuan në pushim – me rezultat 1-1.
Deri në fund të takimit, mysafirët e kërkuan golin e fitores, të cilin e gjetën në minutën e 75-të.
Ndërsa, vendasit ishin të pafuqishëm për ta rikthyer rezultatin.
Me këtë fitore, Juve ngritet në kuotën e 62 pikëve dhe pozicionohet në vendin e katërt.
Juve ka pesë pikë më pak se Milani që është lider, por rosonerët kanë një ndeshje më pak të zhvilluar.
Në anën tjetër, Cagliari mbetet ende skuadër e rrezikuar për rënie nga Serie A, pasi gjendet në pozitën e 17-të, me 25 pikë të grumbulluara. /Shqip.com
