Juli ironizon keq me Donaldin: E kam kërkuar te emisionet për të humburit
![](https://shqip.com/app/uploads/2023/02/640-0-julian-deda-1-e1620331078945-1677590813.jpg)
Ironitë mes ish-banorëve të “Big Brother Vip Albania” vijojnë edhe jashtë shtëpisë.
Finalisti i edicionit të fundit, Jul Deda, ishte i ftuar mbrëmjen e sotme në emisionin “Top Arena”.
Mes shumë pyetjesh për jetën personale, Erjola Doçi nuk i kurseu pyetjet as për Big Brotherin, ku Juli doli në vendin e dytë pas Egla Cenos që rrëmbeu fitoren.
I pyetur nëse e ka takuar Romeon që pas daljes nga BBV, Juli tha me ironi se e ka kërkuar ‘te emisoni i të humburve’, ndërsa shtoi se e ka telefonuar, por i ka dalë i fikur.
“E kam kërkuar te emisionet për të humburit, po e kërkojmë. I kam rënë më ka dalë i fikur. Jam unë dashuria e tij e parë”, tha Juli.
Aktori nuk kurse ironinë as për vëllanë e Romeos, Donaldin.
“Mes Donaldit, Ilirit, Luizit dhe teje, kush do e fitonte BBV?”, e pyeti Erjola.
“Të mos na qante do e merrte Donaldi, fitorja do diskutohej mes meje dhe Ilirit”, tha Juli.
Po ashtu, Juli u pyet edhe për thashethemet se ka lidhje familjare me Heidin, dhe ai i hodhi poshtë këto zëra.
“Një zog pushëverdhë më tha se ti dhe Heidi Baci jeni kushërinj, jeni apo jo?”
“I kemi nënat femra. Asnjë lidhje farefisnore, e përgënjeshtroj komplet”, tha Juli.
/Shqip.com