Gjermania dënon Rusinë për pezullimin e pjesëmarrjes së saj në marrëveshjen e grurit

Gjermania ka dënuar vendimin e Rusisë për të pezulluar pjesëmarrjen e saj në marrëveshjen e eksportit të grurit me ndërmjetësimin e Kombeve të Bashkuara me Ukrainën, duke akuzuar Moskën për armatim të urisë.

Zëdhënësi i qeverisë Steffen Hebestreit tha gjatë një konference të rregullt për shtyp të qeverisë të hënën se përdorimi i “urisë si armë” duke pezulluar dërgesat e grurit është “thellësisht i neveritshëm”, duke i bërë thirrje Rusisë të rifillojë pjesëmarrjen e saj dhe të konsiderojë një zgjatje të marrëveshjes, raporton CNN.

Sipas zëdhënësit të qeverisë Andrea Sasse, marrëveshja e drithit ka vënë në dispozicion më shumë se shtatë milionë tonë drithë në tregjet botërore.

“Ne po bëjmë gjithçka në fuqinë tonë për të siguruar që transporti nga deti të mbetet i mundur”, tha zëdhënësi, duke shtuar se transporti tokësor do të vazhdojë.

Ministria e Infrastrukturës së Ukrainës ka thënë se 218 anije janë të bllokuara për shkak të vendimit të Rusisë për të pezulluar marrëveshjen për eksportin e grurit.

Megjithatë, 22 anije me mallra bujqësore janë në pritje të largohen nga portet e Ukrainës.

Ukraina ka thënë se marrëveshja, e cila zhbllokoi tre porte të Detit të Zi, e ka lejuar atë të eksportojë rreth 9 milion ton mallra bujqësore deri tani.

Ndërsa, dje gjatë ditës së shtune, Rusia ka pezulluar marrëveshjen e ndërmjetësuar nga Organizata e Kombeve të Bashkuara për të eksportuar prodhime bujqësore nga portet ukrainase.

Sipas Rusisë, arsyeja e pezullimit ishte për shkak të sulmeve të flotës së saj në Krime nga Ukraina.