Vëllaznimi mirëpret në shtëpi Kushtrim Gashin
Publikuar:
(06.07.2022 20:21:22)
Mesfushori i Ballkanit, Kushtrim Gashi, pas tre sezoneve në Suharekë pritet të rikthehet te Vëllaznimi i Gjakovës.
Menaxheri i këtij klubi, Besnik Gojani ka publikuar një fotografi me mesfushorin, duke e paralajmëruar një transferim të mundshëm.
“Kushtro mbas shumë viteve përsëri do të jemi në të njëjtën rrugë”, ka shkruar ai në Facebook.
Gashi me Ballkanin stinorin e kaluar bëri 27 paraqitje, 26 prej të cilave erdhën në Superligën e Kosovës.
Ai po ashtu arriti të shënojë një gol, duke e ndihmuar Ballkanin të shpallej kampion.
Mesfushori përveç që ka luajtur për Vëllaznimin e Gjakovës dhe Ballkanin, ai ka veshur edhe fanellën e Istogut./Shqip.com