E përmendi Kurti si organizator i bllokadave në veri, vjen reagimi i Dajkoviqit
Shqip
“Kam lindur serb dhe do të vdes i tillë, nuk jam ekstremist e as mercenar pro-rus”.
Kështu është përgjigjur Vladislav Dajkoviqit i përmendur nga kryeministri i Kosovës, Albin Kurti, si njëri nga personat me “veprimtari kriminale” që qëndrojnë mbrapa bllokimeve në Veriun e Kosovës.
“Ai ka lidhje të ngushta me agjentin propagandues serb, Boris Malagurski, si dhe me propaganduesin francez prorus, Arnaud Gouillon. Dajković, është edhe anëtar i Lëvizjes Imperialiste Ruse që është shpallur organizatë terroriste nga ShBA-të”, ka shkruar Kurti për Dajkoviqin të shtunën.
Por, këto pretendime i ka mohuar serbi nga Mali i Zi.
“Kurti, në deklaratën zyrtare, më quajti ekstremist dhe njeri me pamje ′ pro-serbe ′ që erdhi për të bërë trazira në Kosovë”, ka shkruar ai në Facebook.
Po ashtu ka shtuar se “ka marrë kërcënime nga shqiptarët”.
Përpos tij, Kurti ka përmendur edhe emrin e Igor Braunović si nga nga organizatorët e protestave në Veriun e Kosovës.
Tash janë bërë shtatë ditë që kur Njësitet Speciale janë poziconuar në pikat kufitare në Jarinje dhe Bërnjak.
Zbatimi i reciprocitetit të targave është misioni i tyre, vendim qeveritar i kundërshtuar nga serbët lokalë.
Por, institucionet në Prishtinë kanë thënë se mbrapa këtyre protestave qëndron Beogradi përmes grupeve paramilitare në veri. /Shqip.com
