Çmimet e reja nga MINT: Benzina lirohet për 1 cent, nafta dhe gazi mbesin të njëjta
Shqip
Çmimet e derivateve kanë nisur të shënojnë ulje.
Sipas njoftimit të fundit nga, Ministria e Industrisë, Ndërmarrësisë dhe Tregtisë (MINT) çmimi maksimal i lejuar i naftës dhe gazit ka mbetur i njëjtë krahasuar një ditë më parë, kurse benzina është liruar për 1 cent.
Sipas njoftimit, çmimet e reja vlejnë për datën 7 korrik dhe janë valide për 24 orë.
Ditë më parë, Qeveria e Kosovës vendosi për vlerën se sa mund të fitojnë kompanitë e shitjes së derivateve. Fitimi është 12 centë për shitjet me pakicë, ndërsa 2 centë për shitjet me shumicë.
Shoqata e Naftëtarëve të Kosovës i kishte dërguar letër Qeverisë së Kosovës me anë të së cilës kërkojnë që marzha të caktohet duke u bazuar në nivelet e çmimeve aktuale.
Kryetari i kësaj shoqate, Fadil Berjani, në një përgjigje për SHQIP.com kishte thënë se Qeveria ka gabuar në kalkulimin për caktimin e marzhës së fitimit /Shqip.com
