Albright: Mirënjohëse ndaj Kosovës dhe Shqipërisë për ofrimin e strehimit për afganët

Ish-sekretarja Amerikane e Shtetit, Madeleine Albright, ka shprehur mirënjohjen e saj për vendet që kanë pranuar të mirëpresin refugjatët afganë, shkruan SHQIP.com

Në mesin e këtyre shteteve janë edhe Kosova dhe Shqipëria.

Albright në një postim në Twitter ka thënë se duhet të përqendrohemi në shpëtimin e jetëve në Afganistan.

“Përderisa SHBA-ja po punon që t’i evakuojë ata në rrezik të veçantë nga talibanët, i jam mirënjohëse Shqipërisë, Kanadasë, Kosovës dhe Maqedonisë Veriore që kanë ofruar strehim për aleatët afganë, e posaçërisht për gratë dhe liderët e shoqërisë civile dhe pres edhe nga të tjerët që ta bëjnë këtë”, ka shkruar ajo.

We must focus on saving lives in Afghanistan. As the US works to evacuate those at special risk from the Taliban, I am grateful to Albania, Canada, Kosovo and North Macedonia for offering refuge to Afghan allies, esp women & civil society leaders. I hope & expect others to follow

— Madeleine Albright (@madeleine) August 15, 2021

Ndryshe, Presidentja e Kosovës, Vjosa Osmani, ka dhënë pëlqimin e saj që t’i përgjigjen pozitivisht kërkesës së Shteteve të Bashkuara të Amerikës për strehimin e përkohshëm të një numri refugjatesh nga Afganistani.

Osmani tregoi se Qeveria e Kosovës e ka formuar një grup punues për këtë çështje, pas kërkesës amerikane.

Të njëjtim vendim e ka marrë edhe Qeveria e Shqipërisë, të dielën – për këtë ka shkruar edhe Reuters.

Po ashtu, Qeveria e Kosovës e pranoi se ka komunikim të vazhdueshëm me Qeverinë e SHBA-së për këtë krizë humanitare./SHQIP.com