Aksioni në Shtërpcë, Maloku: Ish-kryetari Bratisllav Nikoliq është koordinator i strukturave ilegale serbe që i ka monitoruar kamerat
Policia e Kosovës përmes një aksioni në Shtërpcë ka sekuestruar kamera të sigurisë dhe dokumente.
Prokurori i Prokurorisë Themelore të Ferizajt, Rasim Maloku tha për SHQIP.com se kamerat e sigurisë dyshohet të kenë qenë të kontrolluara nga struktura ilegale të serbisë.
Ai tha se aksioni ndërlidhet me ish-kryetarin e komunës së Shtërpcës, Bratisllav Nikoliq pasi i njëjti është koordinator i strukturave ilegale serbe.
“Ish-kryetari i komunës Bratisllav Nikoliq është edhe koordinator i strukturave ilegale e që këto struktura kanë menaxhuar me kamerat e sigurisë që kanë monitoruar lëvizjet e qytetarëve dhe institucionet publike të Republikës së Kosovës e që këto informacione janë përcjellë në strukturat e sigurisë në Serbi”, tha ai.
Duke shtuar se strukturat ilegale serbe “konsumojnë elemente të veprës penale “bashkimi për veprimtari kundër kushtetuese të ndërlidhura për veprën e spiunazhit”.
Gjatë aksionit, Policia ka sekuestruar edhe dokumente për të cilat, Maloku tha se do të shërbejnë si dëshmi.
Lajmi në përditësim…
