Policia aksion në Shtërpcë – sekuestron kamerat që dyshohet se janë vendosur dhe kontrollohen nga strukturat ilegale serbe
Në mëngjesin e hershëm të së enjtes, Policia e Kosovës ka nisur një aksion për sekuestrimin e kamerave të cilat dyshohet se janë të vendosura nga strukturat ilegale në Shtërpcë, komunën me shumicë serbe në rajonin e Ferizajt.
Këtë e ka konfirmuar për SHQIP.com, Prokurori i Prokurorisë Themelore të Ferizajt, Rasim Maloku.
Maloku tha se janë duke vepruar në bazë të urdhëresës të Gjykatës dhe Prokurorisë së Ferizajt.
“Aktualisht ekipi i PK është prezent në Shtërpcë. Jemi duke e zbatuar një urdhëresë për kontrollimin e 4 lokacioneve”, tha ai.
Përveç kamerave, Maloku tha se po sekuestrojnë edhe dokumente.
Ai shtoi se të gjitha kamerat të cilat dyshohet se monitorohen nga struktua ilegale serbe janë duke i sekuestruar.
“Të gjitha kamerat jemi duke i sekuestruar. Do të kryejmë kontrolle edhe në disa qendra ku dyshohet se po monitorohen kamerat e sigurisë”, tha Maloku për SHQIP.com.
Lajmi në përditësim…
