Administrata e Biden planifikon të vendosë sanksione të reja ndaj oligarkëve rusë

Administrata Biden po planifikon të vendosë sanksione të reja ndaj oligarkëve rusë dhe anëtarëve të familjeve të tyre, ka shkruar CNN.

Sipas mediumit amerikan sanksionet pritet të ndjekin një listë të oligarkëve të sanksionuar nga Bashkimi Evropian në fillim të kësaj jave, megjithëse nuk do të jenë identike, tha një person.

Një numër i të njëjtëve individë do të sanksionohen nga SHBA.

Megjithatë, paketa amerikane do të jetë më e ashpër, duke përfshirë ndalimet e udhëtimit dhe synimin e anëtarëve të familjes.

Presidenti i SHBA-ve, Joe Biden ka aplikuar tashmë sanksione ndaj një numri të lartë rusë afër Kremlinit, së bashku me fëmijët e tyre.

Biden është zotuar të ndjekë “fitimet e lindura keq” të oligarkëve rusë, duke përfshirë avionët e tyre privatë, apartamentet luksoze dhe jahtet. Këto vendime mund të hyjnë në fuqi qysh nga dita e enjte./Shqip.com