Kurti: Themelimi i Policisë përkon me ditën e çlirimit të Kosovës
Shqip
Kryeministri i Kosovës, Albin Kurti ka thënë se vitet e themelimit të Policisë së Kosovës përkojnë me ditën e çlirimin e vendit.
Në kremtimin e 23 vjetorit të themelimit të Policisë së Kosovës, Kurti tha se qindra ushtarë të Ushtrisë Çlirimtare të Kosovës, pas uniformës ushtarake vazhduan misionin e zyrtarit policor.
“Viti i themelimit të Policisë së Kosovës përkon me çlirimin e vendit tonë. Qindra ushtarë të Ushtrisë Çlirimtare të Kosovës në vitin 1999 pas uniformës fitimtare ushtarake vazhduan me misionin e zyrtarit policor në shërbim të Kosovës dhe qytetarëve”, tha Kurti.
Sipas Kurtit, angazhimi i policisë së Kosovës nuk përfundoi asnjëherë që nga ministri i parë i brendshëm i Kosovës deri tek aktuali.
“Angazhimi i policëve tanë nuk pushoi asnjëherë që prej atëherë nga ministri i parë i brendshëm, Rexhep Selimi e deri tek ministri ynë aktual. Zyrtari policor, përveç përgjegjësisë që mbanë mbi supe çdo ditë të jetës së tij ën detyrë dhe jashtë saj e ka peshën e misionit më fisnik që ndokush mund ta ketë, sigurinë e vendit të qytetarëve”.
Kurti: Një vajzë e mitur ndodhet në strehimore nga një krim që ndodhi mbi të – SHQIP.com
Në këtë ceremoni, Kurti foli edh e për rastin e dhunimit të një 11-vjecarje nga pesë persona në Prishtinë duke thënë se për shkak të një krimi qe ndodhi, një vajzë e mitur ndodhet në strehimore dhe jo në bankat shkollore.
“Javën që shkojë jemi ballafaquar me një rast të rëndë, një vajzë e mitur e cila do të duhej të ishte në bankat shkollore në klasën e pestë ose të gjashtë, ndodhët në strehimore për shkak të një krimi që ndodhi mbi të nga pesë dhunues”, tha Kurti.
Tutje Kurti tha se dhuna ndaj grave dhe vajzave nuk është çështje private duke ju drejtuar zyrtarëve policor që nga ata kërkohet nivel i lartë i detyrës kudo.
“Dhuna ndaj grave dhe vajzave nuk është çështje private Por çështje e sigurisë dhe mirëqenës publike dhe sociale andaj, nga ju pritet dhe kërkohet që të jeni në nivelin më të lartë të detyrës suaj kudo”.
Presidentja e Kosovës, Vjosa Osmani ka thënë se Policia e Kosovës ka luajtur një rol të jashtëzakonshëm në konsolidimin e shtetësisë së Kosovës.
“Jam e lumtur që në këtë mëngjese po festojmë së bashku 23 vjetorin e themelimit të Policisë ë Kosovës, njëra nga shtyllat më të shtetit tonë. Një shtyllë që ka luajtur rol të jashtëzakonshëm në konsolidimin e shtetësisë së Kosovës”, tha Osmani.
Përfund, Osmani ju uron të gjithë pjesëtareve të Policisë së Kosovës ditën e themelimit dhe i falënderoji ata në emër të institucioneve të Kosovës për angazhimin e tyre gjatë këtyre 23 viteve
Po ashtu, Osmani kujtoi edhe policët e vrarë në detyrë duke përfshirë edhe Enver Zymberin./Shqip.com
