407 raste të reja me COVID-19 në Kosovë
Ministria e Shëndetësisë ka njoftuar se gjatë 24 orëve të fundit janë konfirmuar edhe 407 raste pozitive me COVID-19.
Duke u bazuar në të dhënat e Institutit Kombëtar të Shëndetit Publik të Kosovës, numri i rasteve aktive ka arritur në 1860 qytetarë të infektuar me Coronavirus.
Megjithatë, nga kjo rritje drastike e rasteve pozitive nuk është shënuar asnjë rast i vdekjes, por janë shëruar 149 qytetarë.
Kohëve të fundit është rritur edhe numri i pacientëve në spitalet e Kosovës të cilët trajtohen nga COVID-19.
Andaj MSH-ja para disa ditësh ka apeluar tek qytetarët që të vaksinohen me dozën e radhës të vaksinës kundër COVID-19 për të parandaluar infeksione të reja, forma të rënda të sëmundjes nga COVID-19 dhe vdekjet.
Lexo edhe:
MSH-ja rekomandon gratë shtatzëna që të vaksinohen kundër COVID-19
Ndonëse vaksinimi kundër COVID-19 është duke vazhduar.
IKSHPK-ja ka rekomanduar që të gjithë personat mbi moshën 12 vjeçare të vaksinohen me dozat përforcuese të vaksinave.
Që nga fillimi i pandemisë janë dhënë afër dy milionë doza të vaksinës kundër Coronavirusit.
Sipas MSH-së, procesi i vaksinimit rekomandohet edhe për gratë shtatzëna në mënyrë që të mbrohet nëna edhe foshnja./Shqip.com