1602 raste aktive me COVID-19 në Kosovë
Shqip
Ministria e Shëndetësisë ka njoftuar se janë 1.602 raste aktive me COVID-19 në Kosovë.
Duke u bazuar në të dhënat e Institutit Kombëtar të Shëndetit Publik të Kosovës, vetëm në 24 orët e fundit kanë rezultuar pozitiv me COVID-19, 258 qytetarë.
Megjithatë, gjatë këtij 24 orëshi nuk është shënuar asnjë rast i vdekjes dhe janë shëruar 177 qytetarë.
Kohëve të fundit është rritur edhe numri i pacientëve në spitalet e Kosovës të cilët trajtohen nga COVID-19.
Andaj MSH-ja para disa ditësh ka apeluar tek qytetarët që të vaksinohen me dozën e radhës të vaksinës kundër COVID-19 për të parandaluar infeksione të reja, forma të rënda të sëmundjes nga COVID-19 dhe vdekjet.
Ndonëse vaksinimi kundër COVID-19 është duke vazhduar.
IKSHPK-ja ka rekomanduar që të gjithë personat mbi moshën 12 vjeçare të vaksinohen me dozat përforcuese të vaksinave.
Që nga fillimi i pandemisë janë dhënë afër dy milionë doza të vaksinës kundër Coronavirusit.
Sipas MSH-së, procesi i vaksinimit rekomandohet edhe për gratë shtatzëna në mënyrë që të mbrohet nëna edhe foshnja./Shqip.com
