Zyrtare: Ismet Munishi largohet nga FC Prishtina

Klubi i Futbollit “Prishtina” ka shkarkuar nga pozita e trajnerit, Ismet Munishin.

Vendimi është marrë nga bordi i klubit me arsyetimin e mos arritjes së rezultateve të dëshiruara.

“Bordi i FC Prishtinës ka vendosur që ta ndërpresë bashkëpunimin me trajnerin Ismet Munishi.. Një vendim i tillë ka ardhur për shkak të mos arritjes së rezultateve të dëshiruara në ndeshjet e fundit”, thuhet nw njoftimin e klubit.

Kurse, drejtimin e këtij klubi do ta marrë aktualisht Debatik Curri.

“Skuadrën aktualisht do ta drejtojë trajneri Debatik Curri dhe ndihmësit e tjerë deri në një vendim të ri”.

Shkarkimin e Ismet Munishit erdhi një ditë pas humbjes së Prishtinës nga Malisheva në kampionat.