Vdes një punëtor në Rugovë, dyshohet se i kishte rënë lisi në kokë

Një punëtor ka vdekur në bjeshkët e Rugovës, pasi dyshohet se i kishte rënë një lis në kokë.

Lajmin për Shqip.com e ka konfirmuar zëdhënësi i Prokurorisë në Pejë, Shkodran Nikçi.

Ai tha se dyshimet e para janë që i ka rënë një lis në kokë derisa ishte duke punuar në mal.

“Ka vdekur një person në bjeshkët e Rugovës, dyshimet e para janë se shkaku i vdekjes ka ardhë si pasojë e rënies së lisit në kokë”, tha Nikçi duke pohuar se bëhet fjalë për një punëtor.

Më tej, Nikçi tha se prokurori i shtetit ka dalë në vendin e ngjarjes dhe viktima është dërguar për autopsi./Shqip.com