Vdes ish-kryemuftiu i Novi-Pazarit
Shqip
Ish- kryemuftiu i Serbisë, Muamer ef. Zukorliq, ka ndërruar jetë në moshën 51 vjeçare.
Këtë lajm e dha gazetari analisti politik Mirnes Kovaç. Por, lajmi është shpërndarë edhe nëpër mediat serbe.
“Muamer ef. Zukorliq u shpërngul në ahiret. Lajmin ma konfirmoi myftiu Mevlud Dudiq, i cili është duke u kthyer nga Graci për në Novi Pazar. Lus Zotin e Madhëruar që ta mëshirojë Muamer efendiun dhe t’i japë familjes së tij një sabër”, ka shkruar Kovaç. Jozyrtarisht, shkak i vdekjes ishte një atak në zemër.
Zukorliq ka qenë politikan dhe përfaqësues i komunitetit boshnjak në Sanxhak të Serbisë.
Zukorliq ka lindur në Tutin në vitin 1970. Shkollën fillore e kreu në fshatin Ribariq të komunës së Tutinit dhe Medresenë Gazi Husrev-beg në Sarajevë. Ai u regjistrua në Fakultetin Islamik, Departamenti i Ligjit të Sheriatit, në Konstandinopojë, Algjeri dhe u diplomua në verën e vitit 1993.
Kryetar i parë i Meshihatit të Bashkësisë Islame të Sanxhakut u zgjodh në tetor të vitit 1993 me themelimin e saj dhe u rizgjodh në atë pozitë në vitin 1998 dhe 2003. Studimet pasuniversitare i kreu në Liban.
Në Kuvendin e Unifikimit të Bashkësisë Islame në Serbi më 27 mars të vitit 2007. Ai u zgjodh kryetar i Meshihatit të Bashkësisë Islame në Serbi dhe kryemyfti u rizgjodh në krye të saj në muajin korrik të vitit 2008 në zgjedhjet për Bashkësinë Islame.
Ai tash ishte deputet i Kuvendit të Serbisë. /Shqip.com
