Truku i thjeshtë i frymëmarrjes që shkencëtarët thonë se mund të ulë rrezikun e Alzheimerit

Është një nga sëmundjet më “mizore” të njohura për njerëzimin, duke u grabitur ngadalë të sëmurëve të gjitha kujtimet e tyre derisa të mos funksionojnë më.

Por shkencëtarët tani pohojnë se ekziston një mashtrim i thjeshtë që teorikisht mund të zvogëlojë rrezikun për t’u goditur me Alzheimer .

Thjesht, thithja për një numërim prej pesë dhe më pas nxjerrja e frymës për të njëjtën kohë mund të ndikojë pozitivisht në trurin tuaj, thonë studiuesit.

Ata zbuluan se ushtrimi i frymëmarrjes – kur kryhej për 20 minuta dy herë në ditë, për katër javë – uli sasinë e amiloidit beta në gjakun e tyre.

Ushtrimi i thjeshtë i frymëmarrjes u përdor në një studim nga ekspertë në Shkollën Gerontologjike Leonard Davis të Universitetit të Kalifornisë Jugore.

Studiuesit besojnë se ka një efekt të tillë në amiloid sepse mënyra se si ne marrim frymë ndikon në rrahjet tona të zemrës.

Nga ana tjetër, kjo ndikon në sistemin tonë nervor dhe mënyrën se si truri ynë prodhon dhe pastron këto proteina toksike.

Ndërsa kjo aktivizohet, nuk ka shumë ndryshim në kohë midis çdo rrahjeje zemre.

Por sistemi parasimpatik bën që rrahjet e zemrës të rriten kur thithni dhe të ulen kur nxirrni.

Ndonjëherë i njohur si sistemi ‘pushimi dhe tretja’, na ndihmon të qetësohemi dhe të flemë.

Të rinjtë, ose të moshuarit që janë shumë në formë, shkëmbejnë lehtësisht mes këtyre dy sistemeve nervore.

Studimet kanë treguar se të dy sistemet ndikojnë gjithashtu në prodhimin dhe pastrimin e peptideve dhe proteinave të lidhura me Alzheimer.

Studiuesve, iu kërkua të bënin ushtrimin e frymëmarrjes për 20 minuta dy herë në ditë, ndërsa ishin të lidhur me një monitor të zemrës të lidhur me një laptop.

Gjysma e vullnetarëve iu tha të mendonin për mendime qetësuese ndërsa bënin frymëmarrjen e tyre.

Në të njëjtën kohë, ata u udhëzuan që të vëzhgojnë linjën e rrahjeve të zemrës në ekranin e laptopit dhe të sigurohen që ajo të jetë sa më e qëndrueshme.

Studiuesit thonë se rritja e prodhimit ose zvogëlimi i pastrimit të amiloidit beta në tru mendohet se shkakton Alzheimer.

Grupi që merrte frymë ngadalë dhe u përpoq të rriste ndryshueshmërinë e rrahjeve të zemrës duke rritur lëkundjet, kishte më pak amiloid në gjakun e tyre.