Trepça e Peja presin fitoret e radhës

Java e fundit e pjesës së rregullt të kampionatit në Prince Caffe Superligën e Kosovës në basketboll nis sot me dy ndeshje, në të cilat skuadrat e “katërshes së madhe” janë favorite.  

Ndeshja e parë e ditës së sotme zhvillohet në “Minatori” në Mitrovicë, mes Trepçës dhe Vëllaznimit, më fillim nga ora 16:30.

‘Xehetarët’ kanë 16 fitore e 11 humbje, ndërsa skuadra nga Gjakova nëntë fitore e 18 humbje.

Përballje tjetër e ditës së sotme zhvillohet në ”Mizahir Isma” në Rahovec, ku Rahoveci do të jetë nikoqir i Pejës.

“Vreshtarët” kanë vetëm katër fitore e 23 humbje, kurse skuadra pejane ka 20 fitore e shtatë humbje.

Kjo ndeshje do të nisë nga ora 20:00