Treni godet një veturë në Pejë, lëndohet një person
Publikuar:
(24.03.2022 22:35:49)
Një veturë është goditur nga treni në fshatin Llabjan të Pejës.
Lajmin për Shqip.com e ka konfirmuar zëdhënësi i Policisë për rajonin e Pejës, Fadil Gashi.
“Rreth orës 18:25, Policia është njoftuar për një aksident hekurudhor në fshatin Llabjan të Pejës. Treni i cili qarkullonte nga Prishtina për në Pejë është aksidentuar me një veturë”, tha Gashi.
Sipas policisë, nga ky aksident një person ka pësuar lëndime ndërsa është jashtë rrezikut për jetën.
I njëjti është dërguar në emergjencë të spitalit për tretman mjekësor./Shqip.com