Trajneri i klubit turk ndërron jetë në spital, ishte në terapi intensive pas tërmetit
Shqip
Ka ndërruar jetë trajneri i skuadrës së ulët turke Iskenderunspor, Ibrahim Halil Olmez, i cili ishte nën rrënoja dhe u transferua në reanimacion pas tërmetit, epiqendra e të cilit ishte në Kahramanmaras dhe u ndje në shumë qytete.
Në një njoftim të publikuar në rrjetet sociale të klubit, lajmin e hidhur e ka konfirmuar klubi turk.
“Jemi thellësisht të pikëlluar për humbjen e trajnerit tonë Ibrahim Halil Olmez, i cili u nxor nga rrënojat pas tërmetit dhe u transferua në reanimacion. Zoti e mëshiroftë të ndjerin. Shprehim ngushëllimet tona për familjen dhe të afërmit e tij dhe komunitetin tonë”, thuhet në deklaratë.
BAŞIMIZ SAĞ OLSUN pic.twitter.com/KsMsgI9RZm
— İskenderunspor (@iskenderunspor_) February 8, 2023
Presidenti i Iskenderunspor, Hakan Bolat njoftoi në llogarinë e tij në rrjetet sociale se u lënduan edhe trajneri i portierëve Ugur Kurt dhe lojtari i ri Burak Dura.
/Shqip.com
