Theo Hernandez – sinonim i shpejtësisë dhe magjisë
Me shpejtësi të dritës – u nis drejtë portës së kundërshtarëve.
E driblioi një, i dyti nuk e ndali dot – njëjtë sikur i treti.
Portierit të Atalantës – Juan Mussos po i dridheshin gjunjët. E dinte rrezikun.
Theo Hernandez e lansoi “bombën” me këmbën e djathtë.
Tiofozët në “San Siro” nuk mund të besonin se çka kishin parë më sy.
Njëjtë siç nuk mund ta besonte edhe shoku i tij i skuadrës – Rafael Leao.
Hernandez dhuroi art – pasi shprehja “eurogol” mund t’i zbehë bukurinë e kësaj perle.
Këmbëshpejti është mbrojtës i krahut të majtë, por lëvizjet që bëri ndaj Atalantës ngjasonin me të ndonjë sulmuesi me përvojë të madhe.
Theo është autor i pesë golave në këtë sezon të Series A, teksa ka ndihmuar rosonerët edhe më gjashtë asistime.
Ai dhe kuqezinjët janë vetëm një hap larg nga lavdia: të shpallen kampionë të Italisë pas 11-të viteve.
Francezi – ka kontratë me Milanin deri në vitin 2026 dhe nuk e ka ndërmend të ndërrojë ambient./Shqip.com