Takimi i thirrur për 31 janar, ambasadori gjerman: Diskutimi për Asociacionin të vazhdojë përpara
Ambasadori gjerman në Kosovë, Jorn Rohde ka shkruar se është e rëndësishme që diskutimet për formimin e Asociacionit të vazhdojnë përpara.
Duke shpërndarë në Twitter, një reagim të zyrtarit amerikan, Derek Chollet, ambasadori Rohde ka theksuar se pajtohet plotësisht me atë se çka ka shkruar Chollet.
“Jam plotësisht dakord: është shumë e rëndësishme të çojmë përpara diskutimin për Asociacionin. Është mirë të dëgjosh se ministri i Kosovës, Nenad Rashiq ka konfirmuar pjesëmarrjen e tij në diskutimin e planifikuar për Asociacionin më 31 janar në Ambasadën amerikane në Prishtinë”, ka shkruar Rohde.
I fully agree: It is very important to move the discussion on ASM forward. Good to hear that Kosovan Minister Nenad Rasic has confirmed his participation in the planned ASM discussion on Jan 31 at the @USEmbPristina. https://t.co/wHs8OzdyzV
— Ambassador Jörn Rohde (@GermanAmbKOS) January 25, 2023
Ditën e djeshme, zyrtari amerikan kishte njoftuar se ka zhvilluar një bisedë telefonike me kryeministrin Kurti, ku i ka kërkuar këtij të fundit, që të pranojë propozimin franko-gjerman për normalizimin e marrëdhënieve mes Kosovës e Serbisë.
Ndryshe, Ambasada amerikane në Prishtinë ka bërë të ditur se më 31 janar do të organizohet një tryezë për të diskutuar Asociacionin e komunave me shumicë serbe në Kosovë.
Në njoftimin e lëshuar, u tha se në takim janë ftuar një grup divers i liderëve të shoqërisë civile, zyrtarëve qeveritarë, liderëve politikë dhe diplomatëve.
/Shqip.com