Lajme

Sveçla: Elementë të shërbimit sekret rus dhe serb po nxisin tensione në veri

Ministri i Punëve të Brendshme, Xhelal Sveçla

Ministri i Punëve të Brendshme, Xhelal Sveçla ka folur edhe njëherë për situatën në veri të vendit.

Sipas Sveçlës, elementë të shërbimit sekret serb, BIA dhe të shërbimit sekret rus GRU ndodhen në veri të Kosovës.

“Ata po organizojnë këto grupe ekstremiste që nxisin tensione. Më herët, kemi dëbuar shtetas rusë me dyshime se janë spiunë. Sa herë ka tensione, ambasada ruse shkon në kufi me Kosovën. Që nga viti 2014 kemi 56 vetura të djegura në atë zonë” është shprehur Sveçla raporton Topchanel.

Më tutje Sveçla është shprehur se Qeveria aktuale po i zgjidh problemet e qeverisje të kaluara.

“Ne si qeveri po vuajmë pasojat e tmerrshme të vendimeve që qeveritë e mëparshme kanë marrë. Në qeverinë e Kosovës duhet të ketë patjetër një ministër serb, sipas ligjit.  Jemi në një situatë ku kemi një ministër kërkon minim të institucioneve ku ai vetë bën pjesë…. Ne jemi duke i zgjidhur çështjet një nga një”.

Lexo edhe:
Ka filluar masa e qortimit për targat ilegale

1 nëntori shënon ditën kur fillon qortimi nga Policia e Kosovës për pronarët e automjeteve me targa ilegale.

Kjo masë do të vazhdojë deri me 21 nëntor që pastaj të fillohet me shqiptimin e gjobave.

Dje, Policia e Kosovës ka njoftuar se janë bërë të gjitha përgatitjet për këtë proces ndërsa kanë prezantuar edhe fletëqortimin.Vlen të theksohet se masa e gjobitjes e paraparë pas asaj të qortimit do të vlejë deri me 21 janar.

Qeveria e Kosovës ka njoftuar se pas 21 janarit do të bëhen targa testuese dhe regjistrimi i automjeteve me targa RKS do të jetë më i lehtë deri me 31 mars – Pas kësaj date mund të bëhet regjistrimi por pa lehtësime.

Kurse, 21 prilli shënon datën përfundimtare kur që lejon qarkullimin e targave ilegale të lëshuara nga autoritetet e Serbisë në territorin e Kosovës.

Lexo edhe:
Policia e Kosovës shqipton masën e parë qortuese për targat ilegale

Shtetet e Bashkuara të Amerikës kanë kërkuar sërish shtyrje të plotë të afatit për regjistrimin e automjeteve me targa ilegale dhe jo shtyrje të pjesshme.

Të njëjtën linjë me ShBA-të ka qëndruar edhe Bashkimi Evropian. Ata konsiderojnë që kërkesa e Kosovës për ndërrimin e targave ilegale është legjitime por kjo duhet të bëhet brenda një periudhe 12 mujore kështu, duke e cilësuar në kundërshtim me marrëveshjet e arritura në Bruksel.

Kundër ndryshimit të targave ilegale në Kosovë, qëndron edhe presidenti i Serbisë, Aleksandër Vuqiç.

/Shqip.com