Smith u përgjigjet njerëzve që “nuk janë gati” ta shohin në film pas shuplakës në Oscars

Aktori Will Smith, është rikthyer në filmin e ri “Emancipation”.

Ndërkaq, ai ka humbur shumë adhurues për shkak të dhunës që ndodhi në ceremoninë e “Oscars”.

Smith tha se i kupton njerëzit që nuk janë të gatshëm të mbështesin filmin e tij të ri pas veprimeve të tij në Oscar .

Smith luan në rolin e një njeriu të skllavëruar të quajtur Peter i cili arratiset nga një plantacion në Luiziana. Ky shënon filmin e parë të aktorit që kur ai goditi Chris Rock në Oscar.

Në një intervistë, Smith u pyet se çfarë do t’i thoshte dikujt që nuk ndihet “gati” për të parë atë në film.

“Unë e kuptoj plotësisht. Nëse dikush nuk është gati, unë do ta respektoja absolutisht këtë dhe do t’i lejoja hapësirën e tij të mos jetë gati, “u përgjigj Smith.

“Shqetësimi im më i thellë është ekipi im – Antoine (regjisori) ka bërë atë që mendoj se është puna më e madhe e gjithë karrierës së tij.”

Tutje, ai tha se ekipi i filmit ka bërë punët më të mira të gjithë karrierës së tyre dhe se shpreson që veprimet e tij të mos e penalizojnë ekipin.