Sipas studimeve, sheqeri i tepërt mund të shkaktojë dhimbje koke

Sheqeri edhe pse i shijshëm është gjithashtu një nga shkaqet kryesore të problemeve të shumta shëndetësore, përfshirë edhe dhimbjen e kokës.

Disa studime të fundit, tregojnë për lidhjen që ekziston mes sheqerit dhe dhimbjes së kokës.

Pse sheqeri shkakton dhimbje koke?

Sepse ushqimet që kanë sheqerna natyrshëm si perimet dhe frutat, përmbajnë fibra ose proteina, që ndihmojnë në ekuilibrimin e efekteve të sheqerit në gjak.

Ndërsa mungesa e fibrave, proteinave ose vlerave të tjera ushqyese tek ushqimet e përpunuara, bën që sheqeri që hyn në qarkullimin e gjakut, të rritet së tepërmi dhe trupi e ka më të vështirë ta ekuilibrojë atë.

Kur ka një ndryshim të papritur në nivelet e sheqerit në gjak, truri është i pari që i ndjen efektet.

Nëse sheqeri rritet shpejt, trupi duhet të prodhojë më shumë insulinë për të ekuilibruar sheqerin dhe e gjithë kjo tronditje mund të shkaktojë dhimbje koke.

Nga ana tjetër, kur sheqeri ulet shumë, mund të keni dhimbje koke, të ndiheni të trullosur ose edhe të përjetoni gjendje të fikëti.

Për të larguar dhimbjen e kokës dhe efektet e tjera që shkaktohen nga sheqeri i ulët në gjak, sigurohuni që të konsumoni diçka të ëmbël menjëherë

Çfarë mund të bëni?

Fatmirësisht, shumica e trajtimeve për dhimbjet e kokës së sheqerit mund të gjenden në shtëpinë tuaj ose farmaci.

Këtu janë disa nga mënyrat më të dobishme për të zvogëluar dhimbjen:

Konsumoni sa më shumë ujë

Të qëndroni të hidratuar duke konsumuar sa më shumë ujë do të ndihmojë në rregullimin e sheqerit në gjak dhe si rrjedhojë do të largojë dhimbjen e kokës, shkruan agroweb.

Magnezi

Magnezi jo vetëm që ndihmon me rregullimin e sheqerit në gjak por është gjithashtu një ilaç natyral për dhimbjen e kokës. Gjithmonë konsultohuni me mjeku tuaj nëse merrni shtesa të magnezit.

Bëni një sy gjumë

Mungesa e gjumit përkeqëson shëndetin, përfshirë edhe çrregullimin e sheqerit në gjak.

Kontrolloni sheqerin në gjak

Nëse vuani nga diabeti, duhet të kontrolloni sheqerin në gjak sapo të ndjeni që dhimbja e kokës po fillon.

Mund t’ju duhet të merrni ose të rregulloni dozën tuaj të insulinës.

Zakonisht, dhimbjet e kokës nga sheqeri nuk janë ndonjë problem i madh. Por nëse i përjetoni shpesh, kryeni një vizitë tek mjeku për t’u siguruar që nuk janë simptomë e diçkaje më serioze