Si të kujdeseni për shëndetin e veshkëve

Veshkët janë organe të vendosura në të dy anët e shtyllës kurrizore. Ato filtrojnë ujin e tepërt dhe papastërtitë e tjera nga gjaku juaj.

Gjithashtu veshkët rregullojnë nivelin e kripës dhe kaliumit, si dhe prodhojnë hormone që rregullojnë presionin e gjakut.

Shëndeti i veshkëve është shumë i rendesishëm për shëndetin e përgjithshëm, sepse me anë të kësaj trupi filtron dhe dëbon mbetjet dhe do të prodhon hormone që ndihmojnë trupin të funksionojë siç duhet, shkruan HealthLine, transmeton Shqip.com.

Më poshtë gjeni disa këshilla që ndihmojnë në shëndetin e veshkëve

Qëndroni aktiv dhe në formë

Ushtrimet e rregullta mund të ulin rrezikun e sëmundjeve kronike dhe të veshkëve, si dhe mund të zvogëlojë presionin e gjakut.

Kontrolloni sheqerin në gjak

Njerëzit me diabet, ose një gjendje që shkakton sheqer të lartë në gjak, mund të zhvillojë dëmtime të veshkëve. Kur qelizat e trupit nuk mund të përdorin glukozën në gjakë, veshkët detyrohen të punojnë më shumë për të filtruar gjakun tuaj.

Kujdesuni për peshën dhe hani një dietë të shëndetshme

Njerëzit që janë mbipeshë janë në rrezik për një sërë gjendjesh shëndetësore që mund të dëmtojnë veshkët. Këto përfshijnë diabetin, sëmundjet e zemrës dhe sëmundjet e veshkëve.

Një dietë e shëndetshme me pak natrium, mish të përpunuar dhe ushqime të tjera që dëmtojnë veshkët mund të ndihmojë në uljen e rrezikut të dëmtimit të veshkave. Përqendrohuni në të ngrënit e përbërësve të freskët me përmbajtje natyrale të ulët të natriumit, si lulelakra, boronicat, peshku, drithërat dhe më shumë.

Pini shumë lëngje

Marrja e rregullt dhe e vazhdueshme e ujit është e shëndetshme për veshkët, uji ndihmon në pastrimin e natriumit dhe toksinave nga veshkët.

Synoni për të paktën 1.5 deri në 2 litra ujë në ditë. Njerëzit që kanë pasur më parë gurë në veshka duhet të pinë pak më shumë ujë për të ndihmuar në parandalimin e depozitimeve të gurëve në të ardhmen.

Mos pini duhan

Pirja e duhanit dëmton enët e gjakut të trupit tuaj. Kjo çon në një rrjedhje më të ngadaltë të gjakut në të gjithë trupin tuaj dhe në veshkët tuaja, duke i vënë në një rrezik për kancer.

Këto organe janë përgjegjëse për shumë funksione, nga përpunimi i mbetjeve të trupit deri te prodhimi i hormoneve. Kjo është arsyeja pse kujdesi për veshkat tuaja duhet të jetë një përparësi kryesore shëndetësore./Shqip.com