Shtatë të lënduar nga aksidenti në “Kodren e Trimave”

Shtatë persona kanë mbetur të lënduar si pasojë e një aksidenti që ka ndodhur në ‘Kodrën e Trimave”, Prishtinë.

Aksidenti ka ndodhur rreth orës 19:00 dhe në të ishin të përfshirë dy vetura.

Lajmi për Shqip.com është konfirmuar nga zëdhënësja e Policisë së Kosovës për Rajonin e Prishtinës, Flora Ahmeti.

“Bazuar në të dhënat fillestare, si pasojë e këtij aksidenti lëndime trupore kanë pësuar 7 persona dhe të njëjtit janë dërguar për trajtimin e nevojshëm mjekësor”.

“Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve që kanë sjell deri te ky aksident”. /Shqip.com