Shpresa për Champions ende nuk ka “vdekur”
U prit të jetë një derbi, por në fushën e gjlbër domonioi vetëm një skuadër.
Roma ka dalë fituese ndaj Lazios – me rezultat të pastër 3-0 dhe i mban gjallë – shpresat për Champions.
Në minutën e parë – Tammy Abraham e tundi rrjetën e kundërshtarëve.
Ky ishte një sinjal që romakët kishin hyrë ë këtë takim vetëm për fitore.
I njëjti futbollist – shënoi përsëri në minutën e 22-të dhe e dyfishoi epërsinë.
24 vjeçari tashmë është autor i 15-të golave – në këtë kampionat të Series A, teksa ka regjistruar edhe tri asistime.
Goditjen e fundit Lazios, ia dha Lorenzo Pellegrini – kur po zhvillohej minuta e 40-të.
Në anën tjetër, mysafirët nuk arritën që të shënojnë as golin e nderit.
Me këtë fitore, Roma ngritet në vendin e pestë në tabelë, me 51 pikë të grumbulluara.
Tetë më pak se Juventusi, që gjendet në vendin e katërt. Objektivi kryesor ende është i arrtishëm për romakët.
Kurse, Lazio zbret në vendin e gjashtë – me dy pikë më pak.
Deri në përfundim të Series A – kanë mbetur edhe tetë xhiro për tu zhvilluar./Shqip.com